(AĠĠORNAT B'RITRATT) Ruth Attard ta' 27 sena imtella mill-baħar ta' Għar Lapsi

Kienet ilha rrapurtata nieqsa mill-5 ta' Ġunju

7 ta' Ġunju 2015 12:10
minn John Busuttil

Il-Pulizija tellgħu katavru ta' tfajla mill-baħar fl-inħawi ta' Għar Lapsi. Din it-tfajla ġiet identifikata bħala Ruth Attard ta' 27 sena li kienet irrapurtata nieqsa jumejn ilu fejn il-pulizija kienet qalet li l-aħħar li dehret kienet fl-istess naħat li nstab il-katavru tagħha.

Il-katavru ddaħħal f'Xatt it-Tiben minn membri tal-Forzi Armati ta' Malta u minn hemm ittieħed fil-kamra mortwarja tal-isptar Mater Dei biex issir awtopsja u tiġi stabbilita l-kawża tal-mewt.