Jintbagħtu lura pajjiżhom 10 Niġerjani li ġew Malta bħala immigranti irregolari

F’dawn l-aħħar tliet xhur ta’ din is-sena, il-Pulizija Maltija mis-Sezzjoni tal-Immigrazzjoni ħadet sehem fi tliet operazzjonijiet kongunti ta’ ritorn għal Lagos, in-Niġerja. Dawn l-operazzjonijiet ġew organizzati mill-awtoritajiet Norveġiżi, Olandiżi u Taljani rispettivament u kienu kkordinati mill-Frontex.

F’dawn l-operazzjonijiet konġunti, Malta rripatrijat għaxar immigranti Niġerjani irregolari li kienu akkumpanjati minn skorta tal-Pulizija Maltija. F’dawn l-operazzjonijiet konġunti, Malta ħadet sehem flimkien ma’ pajjizi oħra tal-Unjoni Ewropea.

Biex dawn l-operazzjonijiet ta’ ritorn setgħu jseħħu, kien hemm koperazzjoni bejn il-Ministeru tal-Intern u s-Sigurta` Nazzjonali u l-Ministeru tal-Affarijiet Barranin li permezz tax-xogħol tagħhom ġew ipprovduti d-dokumenti tal-ivjaġġar għall-immigranti Niġerjani.

Parti sostanzjali mill-ispejjeż ta’ dawn it-titjiriet se jinħarġu minn fondi Ewropej.