'Tal-Għama' jħassru l-attivitajiet tal-150 sena wara l-qtil tal-President Chircop

Il-Kumitat u l-membri tal-Każin Santa Liena Banda Duke of Connaught’s Own ta’ Birkirkara jesprimu n-niket tagħhom għat-telfa tal-President tagħhom Dr Carmel Chircop LL.D., filwaqt li juru solidarjetà mal-familja kollha tal-President Chircop u jixtiequ jirringrazzjaw lil dawk kollha li ssieħbu magħhom f’dan il-mument ta’ niket.

Il-Kumitat u l-membri jixtiequ pubblikament juru l-aprezzament tagħhom għal dak kollu li l-President Chircop għamel magħhom tul dawn l-għaxar snin ta’ Presidenza bil-mod ġentili ta’ ħabib u determinanti ta’ mexxej. Jibqgħu iżommu ħajja f’qalbhom u fis-Soċjetà tagħhom il-memorja tiegħu u l-imħabba lejn Birkirkara u Santa Liena. Is-Soċjetà tagħti aktar tagħrif dwar il-funeral tiegħu hekk kif ikunu lesti d-dettalji kollha.

Bħala sinjal ta' rispett, is-Soċjetà tixtieq tavża li l-kumplament tal-attivitajiet li kienu ppjanati sal-aħħar tas-sena sabiex jiċċelebraw il-150 anniversarju ġew imħassra