Koppja anzjana tintlaqat minn vettura f'Ħal Qormi

F’inċident separat, koppja ntlaqtet minn karozza waqt li kienet qed taqsam f’Ħal Qormi. L-inċident seħħ ilbieraħ wara nofsinhar, għall-ħabta tal-4pm, fi Triq l-Iljun.

Ir-raġel u l-mara, ta’ 69 u 68 sena rispettivament, intlaqtu minn karozza tat-tip Toyota Vitz li kienet qed tinstaq f’direzzjoni lejn il-Marsa. Il-vettura kienet qed tinstaq minn raġel ta’ 62 sena.

Wara li ttieħdu l-isptar Mater Dei għall-kura, irriżulta li l-mara qed issofri minn ġrieħi gravi filwaqt li r-raġel qed isofri minn ġrieħi ħfief.

Il-pulizija kkonfermat li l-mara ma tinsabx fil-periklu tal-mewt.

L-investigazzjonijiet tal-pulizija għadhom għaddejjin.