Żewġ sewwieqa u tliet passiġġiera kellhom jittieħdu l-isptar Mater Dei għal kura wara inċident tat-traffiku fi Triq il-Kosta.
Mill-informazzjoni li ġbarna s’issa, jidher li ż-żewġ vetturi kienu qed jinstaqu fid-direzzjoni opposta. Waħda mill-karozzi ġarrbet ħsarat kbar.
L-inċident seħħ għall-ħabta tat-8am.
F'waħda mill-vetturi kien hemm żewġ nisa, waħda ta' 20 sena minn San Pawl il-Baħar u żagħżugħa ta' 17-il sena min-Naxxar.
Il-vettura l-oħra kienet qed tinstaq minn raġel u miegħu kellu passiġġiera mara ta' 31 sena mill-Mellieħa.
Il-kundizzjoni tas-sewwieqa għadha mhix magħrufa, iżda qed ikun irrapurtat li hemm żewġ persuni li qed isofru minn ġrieħi gravi.
It-triq ingħalqet minn żewġ naħat.
