Ilbieraħ filgħaxija, għall-ħabta tal-10.45pm fi Triq San Filippu l-Imġarr, raġel ta’ 65 sena residenti l-Imġarr tilef ħajtu waqt li kien f’vettura.
Hekk kif il-Pulizija ġiet infurmata bil-każ marret minnufih fuq il-post fejn mill-ewwel investigazzjonijiet irriżulta li vettura tat-tip Peugeot, li kienet qed tiġi misjuqa mir-raġel, kellha impatt ma' vettura ipparkjata, ma’ ħajt u kif ukoll ma’ arblu. Il-vettura ipparkjata hija tat-tip Ford.
Fuq il-post issejħet l-assistenza ta’ tim mediku mill-Isptar Mater Dei. Sfortunamanet ir-raġel ġie iċċertifikat bla ħajja fuq il-post.
L-investigazzjonijiet tal-Pulizija għadhom għaddejjin sabiex tiġi stabbilita x’wassal għall-mewt tar-raġel. Awtopsja mistennija titfa' aktar dawl fuq il-fatt jekk ir-raġel tilifx ħajtu kawża tal-inċident.
