Żewġ irġiel mgħammda u armati, ilberaħ filgħaxija għall-ħabta tad-9.15, daħlu f'ħanut fi Triq in-Naxxar San Ġwann u ordraw lill-impjegata biex tagħtihom il-flus.
Wieħed mill-ħallelin, ħareġ arma tan-nar u beda jippuntaha lejn l-impjegata, li għandha 34 sena. F'dak il-ħin, fil-ħanut kien hemm ukoll żewġ klijenti, waħda ta' 48 sena u l-oħra ta' 26. Ħadd ma weġġa' f'dan l-inċident. L-investigazzjonijiet mill-Pulizija għadhom għaddejjin.
