Libjan ta’ 35 sena sofra ġrieħi gravi meta kien allegatament aggredit minn raġel ieħor armat b’sikkina.
Minn stħarriġ preliminari jirriżulta li l-inċident seħħ abbord vapur sorġut f’tarzna bejn Il-Moll tal-Knisja u Xatt il-Mollijiet, il-Marsa, għall-ħabta tat-3:15 ta’ dalgħodu.
Fuq il-post, il-Pulizija tad-Distrett tal-Belt u r-Rapid Intervention Unit sabu lill-vittma b’ferita f’għonqu u għalhekk ittieħed minnufih l-Isptar Mater Dei, fejn kien sussegwentament iċċertifikat li kien sofra ġrieħi gravi.
Sadattant, kien identifikat u arrestat raġel barrani ieħor li hu suspettat li kellu argument mal-vittma u sussegwentament ħebb għalih fuq il-pruwa tal-vapur.
L-investigazzjonijiet qed jitmexxew mill-Pulizija tad-Dsitrett.
