Mara ta' 31 sena residenti s-Siġġiewi, identifikata bħala Lourdann Psaila tilfet ħajjitha f'inċident tat-traffiku li seħħ is-Siġġiewi stess,
L-inċident seħħ tard ilbieraħ filgħaxija għall-ħabta tal-22:15 fil-bypass tal-istess lokalità, Triq Mons. Mikiel Azzopardi.
It-tfajla tilfet il-kontroll tal-vettura tagħha Toyota Vitz, meta kienet qed issuq, bil-konsegwenza li laqtet il-bankina, u ħabtet f'arblu li kien hemm fl-istess bankina.
Mad-daqqa l-vettura baqgħet dieħla ġo vettura oħra li kien hemm ipparkjata fl-istess triq.
Fuq il-post issejħu membri mid-Dipartiment tal-Protezzjoni Ċivili sabiex joħorgu lill-vittma mill-vettura u tittieħed l-isptar Mater Dei permezz ta’ ambulanza.
Sfortunatament aktar tard il-mara tilfet ħajjitha.
Bil-każ ġiet infurmata l-Maġistrat tal-Għassa Dr M. Vella LLD li ħatret diversi esperti sabiex jassistu fl-inkjesta li ġiet appuntata.
