Iċ-Ċentru tas-Saħħa tal-Furjana, dalgħodu reġa' fetaħ il-bibien tiegħu wara li lbieraħ kellu jingħalaq minħabba ħsarat li saru minn żagħżugħ.
Iż-żagħżugħ Somalu tal-21 sena, allegatament sar agressiv u għall-ħabta tas-7:20pm, beda jkisser il-ħġieġ u diversi oġġetti fiċ-ċentru, fosthom għamel ħsara f'diversi kompjuters.
Dan iż-żagħżugħ ġie arrestat mill-Pulizija u ttieħed l-isptar Mater Dei għall-kura għall-ġrieħi li ġarrab waqt l-attakk. Uffiċjal tas-sigurtà li jaġdem fl-istess ċentru, wkoll ittieħed għall-kura fejn sofra xi ġieħi ħfief kawża ta' xi ħġieġ imkisser.
