Il-Prim Ministru jilqa' r-riżenja ta' Joe Grima

Kontroversja kbira li splodiet fuq il-midja soċjali u l-portals wasslet biex il-Prim Ministru jilqa' mill-ewwel ir-riżenja ta' Joe Grima, minn mibgħut speċjali għall-Organizazzjoni Dinjija tat-Turiżmu. Dan wara li fl-aħħar jiem kien f'kontroversja meta ġie rappurtat li qal li l-Musulmani huma 'wirdien' meta kien qed jirreferi għas-sindku Musulman ta' Londra. Grima fetaħ tliet libelli lil news portals għax skont hu ħarġu l-aħbar barra l-kuntest li nkitbet minnu. Fl-istess waqt, hu kien anke kritikat mill-ministru tat-Turiżmu, Edward Zammit Lewis dwar dak li Grima kiteb.