Żewġ Franċiżi li tressqu l-qorti b'arrest nhar il-Ġimgħa, wara li nstabu jiġru għarwenin f' Misraħ San Pawl ġewwa l-Imdina, kienu qegħdin jiġu kkastigati talli lagħbu ħażin fil-logħba rugby.
Iż-żewġ żgħażagħ ġew imressqa quddiem il-Maġistrat Natasha Galea Sciberras millIspettur Neville Mercieca, li spjega kif filjum ta' qabel, għall-ħabta ta-l4.00 p.m. pulizija li kien qiegħed għassa mad-dar tal-eks Ambaxxatur Malti għall-Unjoni Ewropea Richard Cachia Caruana informa lill-għassa li kien hemm żewġt irġiel jiġru għarwenin fit-toroq ta-lbelt antika.
Dan bagħat għadd ta' ritratti li kien ħa bil-mobajl, lillispettur. L-imputati ġew arrestati mill-pulizija fi triq Villegaignon. L-umiljazzjoni tażżewġ żagħżagħ kien komplut hekk kif ir-ritratti ġew ippreżentati fl-Awla, fost ittbissim ta' dawk preżenti.
L-imputati jiffurmaw parti mittim Franċiż Essec, li jinsab Malta lest għal logħba kontra tim Malti, fl-International Clubs Tournament. Lispettur spjega li żżewġ imputati kienu ġew mġiegħla jiġru għarwenin bħala forma ta' kastig, minħabba l-prestazzjonijiet ħżiena taggħom f'logħbiet preċedenti. L-Avukat tad-difiża Victor Bugeja informa lill-maġistrat li ż-żewġ imputati xtaqu jammettu, filwaqt li fakkar lill-Qorti li żżewġ plejers kienu kkoperaw bissħiħ mal-Pulizija u għalhekk il-Qorti tista' tikkonsidra tnaqqis fil-piena. Il-Qorti, wara li sabet lill-imputati ħatjin, lliberathom bil-kundizjzoni li ma jagħmlux reat ieħor fi żmien sitt xhur u ordnat liż-żewġ imputati jħallsu multa ta' €250 'l wieħed.
