Skont l-Uffiċċju Meterjoloġiku, illum it-temperatura ser titla' sa 33 grad, iżda tinħass aktar daqs 38 grad, speċjalment jekk wieħed ikun espost għax-xemx.
Madankollu, l-uffiċċju jisħaq u jserraħ moħħ il-poplu, li m'aħniex deħlin f'mewġa ta' sħana.
"L-Uffiċċju Meterjoloġiku jiddikjara mewġa ta' sħana meta t-temperatura massima titla' 'l fuq mill-medja b'ħames gradi, għal tliet ijiem konsekuttivi jew aktar", saħaq kelliem mill-Uffiċċju Meterjoloġiku. Il-medja ta' Ġunju normalment tkun bejn 33 u 34 grad.
Jekk it-temperaturi jkompli jiżdiedu fil-jiem li ġejjin u jaqbżu l-34 grad, imbagħad inkunu dħalna fl-ewwel mewġa ta' sħana għal din is-sena.
