Is-Segretarju Parlamentari għall-Presidenza UE 2017 u għall-Fondi Ewropej, Ian Borg, ħabbar li l-Forzi Armati ta’ Malta u l-Korp tal-Pulizija ta’ Malta se jkunu qed jibbenefikaw minn kważi €45 miljun li minnhom €33 miljun huma ffinanzjati mill-fondi tal-UE.
L-Awtorità Responsabbli fil-fatt approvat tliet proġetti għall-Forzi Armati ta’ Malta ivvalutati aktar minn €43 miljun, taħt il-programm 2014-2020 Fondi tas-Sigurtà Interna (FSI), immirati lejn it-tisħiħ tal-Pulizija fil-ġlieda kontra l-kriminalità u l-ġestjoni tar-riskju.
Tnejn minn dawn il-proġetti, taħt il-Fondi Intern tas-Sigurtà (Fruntieri u Viżi), jinkludu:
- L-Akkwist ta’ bastiment ġdid għall-“Offshore Patrol” b’valur ta’ kważi €34 miljun
- Titjib fil-kapaċità ta’ reazzjoni tal-OPV P6 b’valur ta’ ’l fuq minn €7.5miljun
Proġett ieħor ser jara ir-rispons tal-provvista ta’ vettura b’emissjonijiet baxxi EOD / IEDD kompluta b’robot u tagħmir anċillari, taħt il-Fondi tas-Sigurtà Interna (Kooperazzjoni tal-Pulizija) 2014-2020, u li jiswa kważi €1.8 miljun.
Ir-raba’ proġett huwa għall-Korp tal-Pulizija ta’ Malta li jinvolvi Programm Multiannwali f’operazzjonijiet ta’ ritorn sfurzat, taħt il-Asil, Migrazzjoni u Fond ta’ Integrazzjoni 2014-2020, li jiswa aktar minn €1.2 miljun.
Borg innota li dawn il-proġetti se jippermettu kemm lill-Forzi Armati ta’ Malta u l-Korp tal-Pulizija Maltija li jibbenefikaw minn kważi €45 miljun , li 75% minnhom iffinanzjati preċiżament taħt il-Fond għas-Sigurtà Interna tal-UE u l-Asil, Migrazzjoni u Fond ta’ Integrazzjoni.
Dr Borg fakkar li Malta ser tinvesti madwar €100 miljun taħt il-Fond għas-Sigurtà Interna (ISF) li jimmira li jtejjeb kontrolli tas-sigurtà u tal-fruntiera interna.
"Dawn il-fondi se jkomplu jibnu fuq ix-xogħol u proġetti li diġà ġew implimentati fl-aħħar sentejn", qal is- Segretarju Parlamentari Ian Borg.
Borg qal li "dan il-Gvern kien impenjat jaċċerta iżjed fondi kemm dawk lokali kif wkoll minn programmi oħra tal-UE". Hu saħaq li "l-pass li jmiss huwa li niffokaw fuq il-fażi t’implementazzjoni peress li din hija l-ewwel darba li Malta għandha pjan strateġiku dwar is-sigurtà interna.
Borg esprima kliem ta’ rikonoxximent għax-xogħol imwettaq mid-Diviżjoni tal-Fondi u l-Programmi u l-amministrazzjonijiet tal-Forzi Armati u l-Pulizija, li permezz ta’ sforzi konġunti, kienu qed jimplimentaw proġetti importanti fil-qasam tas-sigurtà interna.
