Tmint itfal mill-iskola primarja De La Salle, ittieħdu l-isptar wara li ħasshom ħażin fix-xarabank waqt ħarġa skolastika.
Il-kawża tal-inċident kienet ħrug ta' ġass tal-arja kondizzjonata tax-xarabank. Grupp ta' paramediċi eżaminaw lit-tfal kollha fuq il-post u tmienja minnhom ittieħdu b'ambulanzi l-isptar Mater Dei.
Kollha kemm huma ġew iċċertifikati li jinsabu f'qagħda stabbli u għandhom joħorġu mill-isptar kmieni wara nofsinhar.
