Raġel Rumen ta' 33 sena, resident f'Ħad Dingli iddaħħal l-isptar għall-kura wara li kien involut fi ġlieda bejn erba' minn nies fi Triq il-Għajn f'Ħad Dingli. Ir-raġel allegatament qala' daqqiet ta' ħadida li kkawżawlu ġrieħi f'rasu.
Il-Pulizija ġiet imsejħa għall-ħabta tal-17:00 hekk kif ġie rrapportat li tliet irġiel u mara, kollha ta' nazzjonalità barranija kienu nvoluti fi ġlieda.
Fil-post ġiet imsejħa ambulanza li ħadet lir-Rumen l-isptar Mater Dei għall kura. Il-kundizzjoni tiegħu għada mhix magħrufa.
Il-Pulizija għaddejja bl-investigazzjoni tagħħa dwar x'seta kkawża din il-ġlieda. Il-persuni l-oħra nvoluti fil-ġlieda qed jinżammu biex jgħinu fl-investigazzjonijiet.
