F’ħidma mill-Pulizija mill–Iskwadra ta’ Kontra d-Droga ġie mwaqqaf pick-up li kien qed jirmonka cabin cruiser fil-lokalita’ ta’ Marsaskala. L-imsemmija opra tal-baħar kienet għada kif iddaħlet fil-bajja u minħabba possibilita li seta’ kien hemm moħbija fiha droga u affarijiet oħra illeċiti saret tfittxija.
Mit-tfittxija li saret instabu ħamsin kaxxa b’kontenut ta 250,000 sigarett li iddaħlu mingħajr dazju. Dawn ġew mgħoddija lill-uffiċjali tal-Law Enforcement section tad-Dwana ta’ Malta. Żewġ irġiel, residenti Ħal Tarxien u l-Isla u mara residenti l-Fgura ġew miżmuma sabiex jgħinu fl-istħarriġ.
L-investigazzjonijiet tal-Pulizija għadhom għaddejin.
