Wara li tneħħew bankijiet fix-Xlendi Għawdex, sabiex jieħdu posthom sett bankijiet ġodda, l-antiki, allegatament ġew mormija l-baħar, b'konsegwenza li l-qiegħ tal-baħar, imtela' b'biċċiet tal-konkos tal-bankijiet.
Ritratti li ppubblika l-biologu Alan Deidun juru dawn il-bankijiet antiki mitfugħa f'qiegħ il-baħar, fix-Xlendi. Deidun saħaq li l-kuntrattur li kien responsabbli "minn din id-diżgrazzja għandu jiġi mġiegħel sabiex jiġbor il-bankijiet u jtellagħhom mill-baħar."
