Tifel ta' 6 snin jittajjar minn karozza u jinsab f’qagħda kritika

Dalgħodu għall-ħabta tal-10:15, tifel ta’ 6 snin intlaqat minn karozza tat-tip Mercedes Benz, misjuqa minn mara ta’ 28 sena residenti ż-Żejtun fi Triq Santa Katarina, ż-Żejtun.

Fuq il-post issejjħu l-Pulizija tad-Distrett, flimkien ma' tim mediku li ħa lit-tifel l-Isptar Mater Dei sabiex jingħata l-kura meħtieġa. Aktar tard huwa ġie ċċertifikat li jinsab f’qagħda kritika.

L-investigazzjonijiet tal-Pulizija mill-Għassa taż-Żejtun dwar dan l-inċident għadhom għaddejjin.