Ħabta bejn żewġ vetturi f’Raħal Ġdid
Raġel ta' 58 sena residenti Birżebbuġa sofra ġrieħi ta' natura gravi wara li kien involut f'inċident tat-traffiku fi Triq il-Palma, Raħal Ġdid.
L-inċident seħħ ilbieraħ għall-ħabta tas-19:30, u mill-ewwel stħarriġ irriżulta li kien seħħ impatt bejn vettura tat-tip Toyota Auris, misjuqa minn raġel ta’ 38 residenti ż-Żurrieq u vettura tat-tip Land Rover Freelander, misjuqa minn raġel ta’ 58 sena, residenti Birżebbuġa.
Kawża tal-impatt, il-Land rover baqa’ dieħel ġo arblu tad-dawl. Is-sewwieq ta’ 58 sena ttieħed l-isptar Mater Dei għall-kura, fejn iżjed tard hu ġie ċċertifikat li qed isofri minn ġrieħi ta’ natura gravi.
Fuq il-post isejħu l-membri tal-Protezzjoni Ċivili sabiex jitneħħa kull periklu li seta’ kien hemm.
L-investigazzjonijiet tal-Pulizija rigward dan l-inċident għadhom għaddejjin.
