Wara diversi jiem ta’ osservazzjoni bejn ilbieraħ u illum membri mill-Iskawdra ta’ Kontra id-Droga arrestat għaxar persuni – tliet nisa u seba’ irġiel li l-età tagħhom tvarja bejn it-18 u l-35 sena.
Minn tfitxijiet li saru ġew elevati iktar minn 200 gramma raża tal-kannabis, madwar 100 gramma ħaxixa, madwar 70 pillola allegtament ecstasy, iktar minn 30 gramma kokaina u madwar € 2000 fi flus kontanti kif ukoll affarijiet oħra użati fit-traffikar tal-istess sustanzi illegali bħal imwieżen elettroniċi
Raġel ta’ nazzjonalità Peruvjana b’passaport Spanjol li huwa residenti Malta ser jitressaq b’arrest quddiem il-Maġistrat tal-Għassa aktar tard illum. Huwa ser jiġi akkużat bi traffikar tar-raża meħuda mill-pjanta tal-kannabis, traffikar tal-pjanta stess kif ukoll bil-pusess mhux għall-użu esklussiv tal-istess raża tal-kannabis, ħaxixa, kokaina u ecstasy.
Intant, il-Pulziija għada għaddejja bl-investigazzjonijiet tagħha dwar l-involviment tal-persuni l-oħra arrestati in konnesjoni mal-istess sejba ta’ droga.
