Għall-ħabta tal-11:00 ta’ dalgħodu, Surġent tal-Pulizija Għawdxi li ma kienx xogħol, irċieva informazzjoni li kien hemm tliet persuni suspettużi ġewwa Għajnsielem.
Is-Surġent, flimkien mal-Pulizija mill-Għassa tar-Rabat Għawdex, dawk tad-Dipartiment tal-Investigazzjonijiet Kriminali u dawk tal-Rapid Intervention Unit, għamlu ronda fl-inħawi fejn wara ftit ġew arrestati tlett irġiel ta’ nazzjonalita’ barranija, fi Triq l-Imġarr, Għajnsielem. Fuq dawn il-persuni nstabu oġġetti li jindikaw li kienu wettqu xi serq.
Investigazzjonijiet mill-Għassa tar-Rabat, Għawdex għadhom għaddejjin.
