Għall-ħabta tad-9:00 ta’ dalgħodu, il-Pulizija mid-Distrett tal-Qawra ġew infurmati li kemm seħħ inċident fi Triq il-Manikata, il-Mellieħa, fejn mutur tat-tip Kawasaki misjuq minn raġel ta’ 36 sena residenti l-Mellieħa, intlaqat minn karozza tat-tip Toyota Vitz misjuqa minn raġel ta’ 33 sena residenti l-Mellieħa ukoll.
Fuq il-post issejħet ambulanza li ħadet lis-sewwieq tal-mutur l-Isptar Mater Dei sabiex jingħata l-kura meħtieġa. Ftit tal-ħin ilu, il-Pulizija ġew infurmati lir-raġel sofra ġrieħi ta’ natura gravi.
L-investigazzjonijiet tal-Pulizija għadhom għaddejjin.
