Għall-ħabta tad-08:40 ta’ dalgħodu, kaċċatur ta’ 51 sena minn Ħad Dingli, kien involut f’inċident fejn fih inlaqat minn tir t’arma tan-nar waqt li l-vittma kien għall-kaċċa flimkien ma’ raġel ieħor li għandu 30 sena, li wkoll joqgħod Ħad-Dingli.
Ir-raġel ta’ 51 sena ttieħed l-Isptar Mater Dei permezz t’ambulanza fejn ġie ċċertifikat li qiegħed isofri minn ġrieħi gravi.
Bil-każ ġie nfurmat il-Maġistrat tal-Għassa Dr I Farrugia li ordna li ssir inkjesta u ħatar diversi esperti sabiex jassistuh.
L-investigazzjonijiet tal-Pulizija għadhom għaddejjin.
