Kmieni qabel is-07:00 ta’ dalgħodu, fi Triq il-Vitorja, Ħal Qormi, mara ta’ 79 sena intlaqtet minn karozza tat-tip Toyota Ace li kienet qiegħda tinstaq minn raġel Libjan, li għandu 33 sena, residenti Santa Venera.
Il-Pulizija marret minnufih fuq il-post flimkien ma’ Ambulanza li ħadet lill-mara l-Istpar Mater Dei, fejn aktar tard ġiet iċċertifikata li qiegħda ssofri minn ġrieħi gravi.
L-investigazzjonijiet tal-Pulizija dwar dan l-inċident għadhom għaddejjin.
