Illum għall-ħabta ta’ 12:20, seħħ inċident ġo fabbrika fi Triq Notabile, Birkirkara, li ħalla raġel midrub gravi.
Il-Pulizija mill-Għassa ta’ Ħal Qormi issejħu mill-ewwel fuq il-post, fejn sabu li raġel ta’ 29 sena, mill-Fgura, weġġa’ waqt li kien qiegħed jopera apparat ta’ trakk ta’ l-iskart.
Ir-raġel ittieħed l-Isptar Mater Dei permezz t’Ambulanza u iktar tard ġie ċċertifikat li sofra minn ġrieħi gravi.
Investigazzjonijiet tal-Pulziija għadhom għaddejjin.
