Virus misjub fi frawli friżati
Id-Direttorat għas-Saħħa Ambjentali joħroġ avviż biex ma jiġux ikkonsmati tip ta' frawli friżati minħabba virus li nstab fihom
Skont l-Att dwar is-Sigurtà fl-Ikel u r-Regolament tal-Parlament Ewropew u tal-Kunsill (KE) Nru. 178 tal-2002, id-Direttorat għas-Saħħa Ambjentali fi ħdan is-Sovrintendenza tas-Saħħa Pubblika jixtieq jinforma lill-pubbliku li wara informazzjoni li rċieva dan id-direttorat permezz tas-Sistema ta’ Twissija Rapida għall-Ikel u l-Għalf (Rapid Alert System for Food and Feed), tip ta' frawli friżati msemmijin f'dan ir-rapport m’għandux jiġi kkonsmat minħabba li huwa potenzjalment ikkontaminat bin-norovirus.
|
Deskrizzjoni tal-Prodott: |
Frawli ffriżat |
|
Ditta: |
Begro |
|
Data tad-durabilita`: |
04/2019 |
|
Piż: |
1kg |
|
Numru tal-lott: |
L6299B1 |
|
Oriġini: |
Ġermanja |
Peress li ġie rrappurtat li l-prodott laħaq wasal għand il-konsumatur, id-Direttorat huwa obbligat li jiġbed l-attenzjoni tal-pubbliku.
Għal aktar informazzjoni l-pubbliku jista’ jċempel lis-Servizzi tal-Ispettorat tas-Saħħa fuq in-numru tat-telefon – 2133 7333 mit-8:00 ta’ filgħodu sas-2:30 ta’ waranofsinhar jew jibgħat email fuq [email protected].
Il-pubbliku jista’ wkoll jirrikorri personalment fl-uffiċċju tal-istess direttorat li jinsab f’Continental Business Centre, Old Railway Track, Santa Venera.
More in Kronaka
