Għall-ħabta tat-08:00 ta’ dalgħodu, f’inċident li seħħ fi Triq in-Nutar Żarb, Ħ’Attard, Kuntistabbli tal-Pulizija ta’ 43 sena miż-Żurrieq li kien qiegħed fuq xogħolu, weġġa’ wara li ħabat bil-mutur BMW tiegħu ma’ karozza tat-tip Kia Ceed li kienet qegħda tinstaq minn raġel ta’ 33 sena minn Ħ’Attard.
Il-Pulizija tad-Distrett marru minnufih fuq il-post, flimkien ma' team mediku mill-Isptar Mater Dei. Il-Kuntistabbli ttieħed l-Isptar sabiex jingħata l-kura meħtieġa fejn aktar tard ġie ċċertifikat li qiegħed isofri minn ġrieħi ta’ natura gravi.
L-investigazzjonijiet tal-Pulizija għadhom għaddejjin.
