Raġel iweġġa’ gravi wara li jaqa’ minn fuq vann

Għall-ħabta tal-11:00 ta’ dalgħodu, fi Triq il-Banjijiet Rumani, l-Imġarr, raġel ta’ 68 sena mill-Imġarr stess, għal xi raġuni żelaq minn fuq vann 'pick-up', li fil-ħin tal-inċident kien wieqaf, u waqa’ mal-art.

Fuq il-post issejħu l-Pulizija mid-Distrett tal-Mosta flimkien ma’ ambulanza li ħadet lill-vittma l-Isptar Mater Dei sabiex jingħata l-kura meħtieġa. Aktar tard huwa ġie ċċertifikat li qiegħed isofri minn ġrieħi ta’ natura gravi.

L-investigazzjonijiet tal-Pulizija għadhom għaddejjin.