Ħidma mill-iskwadra tal-RIU wasslet għall-arrest ta' raġel ta' 41 sena li kien suspettat li seraq minn diversi pompi tal-petrol.
Kmieni dalgħodu għall-ħabta tat-3:00 ta' filgħodu, membri mil-iskwadra tar-Rapid Intervention Unit waqt ronda fl-inħawi ta’ Bir id-Deheb, iż-Żejtun, waqqfu persuna ġewwa pompa tal-petrol.
Ir-raġel li għandu 41 sena u residenti l-Ħamrun, ġie mwaqqaf fuq suspett li seta’ kien involut f’sensiela ta’ serq minn diversi pompi tal-petrol fosthom ġewwa l-Għargħur, il-Gżira u ż-Żejtun stess.
Fil-pussess tiegħu nstabu oġġetti relatati mas-serq, fosthom balaklava u turnaviti fost oġġetti oħra, għaldaqstant ir-raġel ġie arrestat.
Investigazzjonijiet mill-Pulizija tal-Għassa taż-Żejtun għadhom għaddejjin.
