Raġel ta' 53 sena miż-Żurrieq sofra ġrieħi gravi wara li waqa' għoli ta' madwar seba' filati meta kien qed jagħmel xogħol fuq kontejner.
Illum għall-ħabta tad-9:00, il-Pulizija ġew infurmati li kien għadu kemm seħħ inċident fi Triq Valletta, Ħal Luqa.
Minn stħarriġ li sar mill-Pulizija tad-Distrett irriżulta li raġel ta’ 53 sena residenti ż-Żurrieq waqa’ madwar sebgħa filati min fuq container waqt li kien qed jagħmel xi xogħol.
Fuq il-post issejħet ambulanza sabiex tassisti lill-vittma. Huwa ttieħed mmedjatament l-Isptar Mater Dei fejn ġie ċċertifikat li qiegħed isofri minn ġrieħi ta’ natura gravi.
Bil-każ ġiet infurmata l-Maġistrat tal-Għassa Dr C Scerri Herrera li ħatret diversi esperti sabiex jassistuha fl-Inkjesta li ġiet appuntata.
L-investigazzjonijiet tal-Pulizija għadhom għaddejjin.
