Filmat | Il-Papa Benedittu jiċċelebra għeluq id-90 sena bil-birra tal-Bavarja

Il-papa Emeritu Benedittu XVI iċċelebra għeluq id-90 sena tiegħu nhar it-Tnejn li għadda fil-ġonna tal-Vatikan, "Ninsab grat għad-90 sena li Alla għoġbu jagħtini. Kien hemm mumenti iebsin u diversi sfidi f'ħajti iżda Hu dejjem iggwidani fit-triq it-tajba u ħariġni meta qbadt xi triq ħażina biex stajt inkompli l-vjaġġ tal-ħajja."

Il-Papa Benedittu ċċelebra għeluq sninu fuq stil Bavarjan, fejn xorob pinta birra tajba Bavarjana, kiel kejk tal-Għid Taljan imdawwar bul-mużika tal-Bavarja, akkumpanjat minn diversi ħbieb tiegħu mill-Bavarja fejn kien hemm preżenti anke l-Prim Ministru tar-reġjun, Horst Seehofer, ħuh il-minsinjur Georg Ratzinger u l-arċisqof Georg Ganswein. Il-ġurnata proprja kienet Ħadd il-Għid iżda hu ddeċieda li l-party jsir l-għada, t-Tnejn.