Iktar kmieni dalgħodu tħabbret il-mewt tax-xandara pijuniera Susan Mulvaney fl-età ta’ 71 sena.
Tul il-karriera tagħha Mulvaney, ipproduċiet diversi programmi edukattivi u soċjali fuq ir-radju fosthom Radju Malta u l-RTK.
Il-Karriera produttiva ta' Mulvaney bdiet lura fl-1964, meta bdiet taħdem bħala ġurnalista mal-Union Press, fejn iktar hija ġiet appuntata editur tal-ġurnal l-Orizzont.
Fis-sena 1976, Mulvaney bdiet tipproduċi programm ta' kuljum fuq ir-radju, speċifikament immirat għan-nisa.
Aparti min dan, Mulvaney kienet involuta wkoll f'għaqdiet filantropiċi filwaqt li ppublikat diversi kotba tar-riċetti.
Dalgħodu il-midja soċjali kienet iddominata minn diversi tislimiet għal memorja ta' Mulvaney.
