Tkompli s-sensiela ta’ serq mill-knejjes, fil-mira tal-ħallelin kien imiss il-Knisja Arċipretali taż-Żejtun ddedikata lil Santa Katerina.
Is-serqa saret matul il-lejl minn kaxxi tad-donazzjonijiet quddiem l-istatwa tal-Madonna tar-Rużarju.
Il-Pulizija ġew infurmati bil-każ għall-ħabta tas-7.15 ta’ dalgħodu.
Huwa mifhum li l-ħallelin irnexxilhom jidħlu fil-Knisja permezz tal-iscaffoldings li hemm armati għax-xogħlijiet tar-restawr li jinsabu għaddejjin.
Dan billi għaddew mill-post fejn hemm il-qniepen.
Jirriżulta wkoll li l-ħallelin wettqu ħsarat mal-bibien ta’ ġewwa tal-Knisja.
