L-inċident seħħ dalgħodu għall-ħabta tas-7 fi Triq Dun Karm fl-Imsida
Mara ta’ 33 sena sofriet ġrieħi gravi wara li kienet involuta f’inċident meta kienet passiġġiera fuq mutur.
L-inċident seħħ dalgħodu għall-ħabta tas-7 fi Triq Dun Karm fl-Imsida meta raġel ta’ 33 sena, tilef il-kontroll tal-mutur li kien qed isuq.
Fuq il-post issejħet l-assistenza tal-Pulizija u tim mediku, li ħadu l-mara l-isptar għall-kura. Ir-raġel sofra ġrieħi ħfief.
Il-Pulizija għadha qed tinvestiga dan l-inċident.
