Raġel qed isofri minn ġrieħi ħfief wara li darab meta ntlaqat minn tiri ta' arma tan-nar.
Il-każ seħħ ilbieraħ għall-ħabta tal-11.30 ta' filgħaxija fi Triq Burmarrad fin-Naxxar, wara argument jaħraq li nqala' bejn tliet irġiel.
Jidher li wieħed mill-irġiel allegatament spara xi tiri lejn l-irġiel l-oħra u laqat raġel ta' 43 sena minn Raħal Ġdid, li aktar tard iddaħħal l-isptar.
Ir-raġel li spara t-tiri ħarab minn fuq il-post.
Bil-każ ġiet infurmata l-Maġistrat tal-Għassa li ordnat li ssir inkjesta u ħatret diversi esperti sabiex jassistuha.
Il-Pulizija għadha għaddejja bl-investigazzjonijiet tagħha dwar il-każ.
