Mara ta’ 73 sena ġarrbet ġrieħi gravi u oħra ta’ 59 sena weġġgħet ħafif wara li ntlaqtu minn karozza f’Wied il-Għajn.
Il-każ seħħ dalgħodu għall-ħabta tat-8.30 fi Triq Sant’Anna meta n-nisa ntlaqtu minn karozza misjuqa minn mara ta’ 37 sena residenti Wied il-Għajn.
Fuq il-post issejħet għall-assistenza tal-Pulizija kif ukoll tim mediku b’ambulanza li ħadu lin-nisa l-isptar Mater Dei għall-kura.
L-investigazzjonijiet tal-Pulizija għadhom għaddejjin.
