Iweġġa' gravi wara li ntlaqat minn karozza

Qormi ta’ 57 sena ġarrab ġrieħi gravi wara li ntaqat minn karozza misjuqa minn raġel ta’ 34 sena minn Birkirkara.

L-inċident seħħ ilbieraħ fi Triq il-Wied f’Ħal Qormi.

Fuq il-post issejħet għall-assistenza tal-Pulizija kif ukoll tim mediku b’ambulanza li ħadu lir-raġel l-isptar għall-kura.

L-investigazzjonijiet tal-Pulizija fuq dan l-inċident għadhom għaddejjin.