Aġġornata: Iweġġa' serjament it-tifel ta' 3 snin li ttajjar fil-Ħamrun

Tifel li għandu madwar 3 snin qed isofri minn ġrieħi sejri wara li ttajjar dalgħodu fil-Ħamrun.

L-inċident seħħ fi Triq Bordin għall-ħabta tal-11:30am.

Kelliem għall-Pulizija kkonferma l-inċident u mill-ewwel investigazzjoni jidher li t-tifel qasam u ntlaqat minn vettura misjuqa minn żagħżugħ ta' 28 sena.

Huwa ttieħed minnufih l-Isptar Mater Dei.

L-investigazzjonijiet tal-Pulizija għadhom għaddejja.