Aġġornata | Ħaddiem jaqa' mill-għoli ħdejn Kastilja

Ħaddiem qed isofri minn ġrieħi serji wara li waqa' tliet sulari f'sit tal-kostruzzjoni fi Triq il-Merkanti fil-Belt Valletta.

Kelliema għall-Pulizija kkonfermat mal-Illum.com.mt li l-inċident seħħ dalgħodu għall-ħabta tal-10:00am.

Aktar tard, Heritage Malta kkonfermat li l-inċident seħħ fil-Berġa tal-Italja u huwa impjegat ta' kuntrattur privat.

Fuq il-post issejħet ambulenza u anke l-Protezzjoni Ċivili.

Tim mediku, flimkien mal-membri tal-Protezzjoni Ċivili ġew imsejħa fuq il-post, sabiex jassistu lill-vittma.

Ir-raġel ittieħed l-Isptar Mater Dei.

Il-Pulizija għadha għaddejja bl-investigazzjonijiet fuq il-każ.