Jaqa' sular bit-trakk b'kollox fil-Magħtab

Anzjan qed isofri minn ġrieħi gravi wara li waqa’ għoli ta’ madwar sular waqt li kien qed jirriversja bit-trakk fil-Magħtab.

L-inċident seħħ dalgħodu għall-ħabta tal-10:00am.

Għal xi ħin, l-anzjan, residenti l-Mosta, nqabad fit-trakk tant li kellhom jissejħu l-protezzjoni ċivili biex jgħinuh.

L-investigazzjonijiet tal-pulizija għadhom għaddejja.