Żewġ persuni l-isptar wara li taxi tibqa' dieħla f'ħajt

Żewġ persuni jinsabu l-isptar wara li sewwieq ta' taxi, għal xi raġuni, tilef il-kontroll tal-vettura u baqa' dieħel ġo ħajt f'Burmarrad.

Il-każ seħħ għall-ħabta tat-9:15 am, fit-triq li minn Burmarrad tagħti għall-Mosta.

Fuq il-post kien hemm ambulanzi u żewġ vetturi tal-Protezzjoni Ċivili.

Iż-żewġ persuni li ttieħdu l-isptar huma x-xufier tat-taxi u l-passiġġier. Il-kundizzjoni tagħhom għadha mhux magħrufa.

Għal xi ħin inħoloq traffiku kbir fl-inħawi.