Ħaddiem fil-periklu tal-mewt wara li waqa' erba' sulari u nofs

Raġel jinsab fil-periklu tal-mewt wara li waqa' madwar erba' sulari u nofs f'sit tal-kostuzzjoni fil-Qawra.

Il-każ seħħ ftit wara nofsinhar fi Triq Andrew Cunningham.

Ir-raġel li għandu 35 sena residenti San Pawl il-Baħar kien qed jaħdem meta għal xi raġuni għeleb għal isfel.

Fuq il-post issejħu l-ħaddiema tal-Protezzjoni Ċivili biex jgħinu fis-salvataġġ tar-raġel.

Ambulanza ħaditu minnufih Mater Dei fejn ġie ċċertifikat li qed isofri minn ġrieħi serji.

Dwar il-każ infetħet inkjesta maġisterjali.