Anzjan ta' 66 sena qed isofri minn ġrieħi gravi wara li hu sfa mtajjar minn mutur fi Triq il-Kbira San Ġużepp ġewwa l-Ħamrun.
Il-każ seħħ għall-ħabta tal-10.20 am.
Il-Pulizija marret minnufih fuq il-post fejn mill-ewwel stħarriġ irriżulta li l-anzjan sfa milqut minn raġel ta' 40 sena mir-Repubblika Ċeka u residenti ġewwa Birkirkara.
L-anzjan ittieħed immedjatament l-Isptar Mater Dei biex jingħata l-kura meħtieġa fejn aktar tard ġie ċċertifikat li qed isofri minn ġrieħi gravi.
L-investigazzjonijiet tal-Pulizija għadhom għaddejjin.
![[Aġġornat] Kuċċier iweġġa' gravi f'ħabta l-Furjana](http://content.illum.com.mt/ui_frontend/thumbnail/684/0/habta21022025.png)
