Qabda oħra tad-droga...10Kg Kannabis minn Sqallija

Raġel Sqalli dalgħodu kien akkużat b'qabda ta' 10 Kg Kannabis li nstabu moħbijin fil-karozza tiegħu hekk kif kien għadu kemm niżel minn Sqallija bil-Catamaran. Il-valur tal-kannabis huwa mifhum li jlaħħaq l-€20,000. 

L-akkużat, ta' 52 sena minn Siracusa kien akkużat b'importazzjoni ta' kannabis u bil-pusses aggravat tagħha. 

Minkejja li l-akkużat wieġeb mhux ħati, il-Qorti ma tagħtux il-ħelsien mill-arrest hekk kif dan m'għandux indirizz jew rabta ma' Malta.