Sewwieq ta' mutur jitlef il-kontroll u jtajjar raġel

Raġel qed isofri minn ġrieħi gravi wara li ttajjar minn mutur fil-Furjana.

Il-każ seħħ għall-ħabta tad-9:30am fi Triq l-Assedju l-Kbir.

Mill-ewwel informazzjoni jirriżulta li żagħżugħ ta' 20 sena tilef il-kontroll tal-mutur u laqat raġel ta' 49 sena.

Ir-raġel ittieħed immedjatament Mater Dei fejn ġie ċċertifikat li qed isofri minn ġrieħi gravi.