Raġel bi ġrieħi serji wara li waqa' minn fuq sellum f’Birżebbuġa

Raġel ta' 59 sena minn Birżebbuġa qiegħed issofri minn ġrieħi serji wara li waqa' minn fuq sellum waqt li kien qiegħed jagħmel xi xogħlijiet fuq kamra ta’ fuq il-bejt.

Skont l-informazzjoni tal-Pulizija, l-inċident seħħ għal ħabta tat-15.30 ta’ wara nofsinhar f’residenza privata fi Triq it-Tankijiet f’Birżebbuġa stess.

Ir-raġel ġie assistit minn membri tad-dipartiment tal-Protezzjoni Ċivili filwaqt li ambulanza  ħadet lir-raġel l-isptar Mater Dei.

L-investigazzjonijiet tal-Pulizija dwar dan l-inċident għadhom għaddejjin.