Imut il-ħaddiem li kien waqa’ 5 sulari fil-Gżira

Żagħżugħ ta’ 22 sena miet gimghatejn wara li waqa’ madwar ħames sulari hu u jagħmel xi xogħol f’sit ta’ kostruzzjoni Gżira.

Fi stqarrija, il-Pulizija spjegat li s-Sirjan li hu residenti Birkirkara waqa’ fuq xogħlu fi Triq il-Madonna tal-Ġebla. Fuq il-post issejħu l-membri mid-Dipartiment tal-Protezzjoni Ċivili, kif ukoll ambulanza sabiex jassistu lill-vittma. Ir-raġel ittieħed l-Isptar Mater Dei.