Steward tiftaħ inkjesta interna fuq mewt ta' raġel fl-ITU tal-isptar ta' Għawdex

F'kuntatt ma' dan is-sit kelliema għal Steward Healthcare kkonfermat illi nfetħet inkjesta interna dwar il-mewt ta' pazjent li daħal l-ITU iżda miet siegħa wara biss. 

L-inċident seħħ fl-aħħar sigħat. Il-Kelliema tal-kumpanija li qed tmexxi l-isptar ma xtaqitx telabora dwar il-kawża tal-mewt ta' dan il-pazjent. 

Apparti l-inkjesta interna l-Pulizija wkoll għaddejja bl-investigazzjoni tagħha wkoll. 

Steward Healthcare li tmexxi l-Isptarijiet ma ħarġitx stqarrija uffiċjali dwar l-inċident s'issa.