Inċident fil-Mellieħa jħalli raġel mill-Iklin bi ġrieħi gravi

Ilbieraħ, għall-ħabta tas-19:30 pm, il-Pulizija ġiet infurmata li kien għadu kemm seħħ inċident fi Triq Louis Wettinger, il-Mellieħa.

Minn stħarriġ preliminari illi sar irriżulta li kien seħħ impatt bejn vettura  misjuqa minn raġel ta’ 37 sena residenti l-Iklin u vettura oħra misjuqa minn tfajla ta’ 26 sena residenti s-Swieqi.

Fuq il-post issejħet ambulanza li ħadet lir-raġel l-Isptar Mater Dei sabiex jingħata l-kura meħtieġa.

Aktar tard huwa ġie ċċertifikat li qiegħed isofri minn ġrieħi ta’ natura gravi.

L-investigazzjonijiet tal-Pulizija għadhom għaddejjin.